Ауғанстан билігі өкілдері елдің оңтүстігіндегі шабуыл жиі жасалатын Гильменд уәлаятында әуе шабуылынан 11 полицей қаза тапқанын хабарлады.
Ауғанстан ішкі істер министрлігінің аты-жөнін атамаған өкілінің айтуынша, әуе шабуылын 6 қыркүйекте НАТО күштері жасаған. Бірақ альянс 6 қыркүйекте Гильменд уәлаятында ешқандай әуе шабуылын жасамағанын мәлімдеді.
Министрлік өкілінің айтуынша, әуе шабуылы есірткі тасымалдаушыларды ұстау операциясы жүріп жатқанда жасалған. Министрліктің есірткімен күрес департаментінің төрт офицері де жараланған.
Ауғанстан - әлемде георин жасалатын апиын ең көп өндіретін ел.
