Қырғызстан да 9 мамырда әскери парад өткізуден бас тартты

Қырғызстан қорғаныс министрлігінің хабарлауынша, 9 мамырда Бішкектің "Ала-Тоо" алаңында әскери парад болмайды.

Министрлік мәліметінше, бұл күні Жеңіс алаңында митинг-реквием ұйымдастырылады, сонымен бірге "Өшпес полк" шеруі өтеді.

Мұның алдында Қазақстан биыл Жеңіс күніне арналған дәстүрлі әскери парад өтпейтінін хабарлаған.

Қырғызстанда бұған дейінгі екі жылда 9 мамырда әскери парад және басқа да көпшілік шара ұйымдастырылмады. Мұндай шешімге коронавирус індеті себеп болды.