Азаттық тілшісі Қарағанды облысындағы Гагаринское ауылындағы сайлау учаскесіне көрші Садовое ауылынан сайлаушыларды көлікпен жеткізіп жатқаны туралы хабарлады.
Қазақстандағы президент сайлауы мен оған байланысты оқиғаларды шет елдер де жіті бақылап отыр. Көптеген шетелдік басылымдар Қазақстандағы "билік транзиті" туралы мақалалар жариялады. Кей басылымдар елді отыз жылға жуық басқарған Нұрсұлтан Назарбаевтың президент қызметінен кетуін "шартты" (Foreign Policy) деп атап, оның өзін саяси оппозицияны басып-жаншып, тәуелсіз БАҚ-ты жойған "шексіз билік иес" және "автократ" деп сипаттады. Қазақстан билігі мұндай сынға "елді демократияға өз жолымен бара жатыр" деп бірнеше рет мәлімдеген.
Оқи отырыңыз: Назарбаевтың "гибридтік" моделі және "жылтыр ғимараттармен өлшенетін мұра"
Орталық сайлау комиссиясының дерегінше, сағат 10.00-дегі жағдай бойынша сайлаушылардың 12,8 пайызы сайлау бюллетенін алған.
Ақмола облысы - 20,5 %
Ақтөбе облысы - 16,0 %
Алматы облысы - 17,7 %
Атырау облысы - 8,5 %
Шығыс Қазақстан облысы - 15,5 %
Жамбыл облысы - 18,5 %
Батыс Қазақстан облысы - 7,4 %
Қарағанды облысы - 10,1 %
Қызылорда облысы - 11,1 %
Қостанай облысы - 12,8 %
Маңғыстау облысы - 9,7 %
Павлодар облысы - 11,4 %
Солтүстік Қазақстан облысы - 14,2 %
Түркістан облысы - 14,5 %
Нұр-Сұлтан қаласы - 10,3 %
Алматы қаласы - 4,1 %
Шымкент қаласы - 11,9 %
ОСК дерегінше, Қазақстанда сайлауға дауыс беруге құқығы бар 11 814 019 адам бар.
Қазақстанның бірінші президенті Нұрсұлтан Назарбаев жексенбі күні елде өтіп жатқан кезектен тыс президент сайлауына Нұр-Сұлтан қаласындағы Оқушылар сарайында орналасқан сайлау учаскесінде дауыс берді.
ПІКІРЛЕР