Қазақстанда 26 сәуірде кезектен тыс президент сайлауы өтті. Азаттық сайлау барысы туралы тікелей желіде хабар таратты.
Қазақстан орталық сайлау комиссиясы төрағасының орынбасары Владимир Фоос елде 9741 сайлау учаскесі бар екенін хабарлады.
Ақмола облысында - 808, Ақтөбе облысында - 521, Алматы облысында - 883, Атырау облысында - 232, Шығыс Қазақстан облысында - 1079, Жамбыл облысында - 461, Батыс Қазақстан облысында - 520, Қарағанды облысында - 784, Қызылорда облысында - 345, Қостанай облысында - 847, Маңғыстау облысында - 177, Павлодар облысында - 576, Солтүстік Қазақстан облысында - 709, Оңтүстік Қазақстан облысында - 1029, Астана қаласында - 254, Алматы қаласында 513 сайлау учаскесі жұмыс істеген.
Теміртаудағы № 15 мектеп ғимаратында өтіп жатқан сайлауды бақылаушылардың айтуынша, дауыс беруге келген адам қарасы мол, көбінше жастар белсенділігі байқалған.
Теміртаудағы №15 мектеп ғимаратында өтіп жатқан сайлауды бақылаушылар заң бұзу оқиғалары болмағанын айтады.
Астанадағы 89-сайлау учаскесінде дауыс беру үшін сайлаушыларға кезек күтуге тура келді. 26 сәуір 2015 жыл.
