Киев қаласының мэрі Виталий Кличконың айтуынша, зымыран бөлшектері құлаған тұрғын үйде үш адам зардап шеккен. Біреуінің жағдайы ауыр.
УНИАН агенттігі жараланғандардың көп екенін айтады: 8 адам жарақаттанған, 150 адам эвакуацияланған.
Украиналық "Сегодня" басылымы Ровно қаласында екі жарылыс болғанын хабарлады. Журналистердің хабарлауынша, снарядтар коммуналды әуежайдың ұшу-қону жолағына түскен.
Алматыда айырбастау пунктерінде бір доллар 466-477 теңге аралығында саудаланып жатыр. 24 ақпанда Ресей Украинада "әскери операция" бастағаннан кейін теңге рубльмен бірге қатты құлдырай бастаған.
Ақпаратқа қарағанда, Украинада Сумы, Херсон және Киев маңындағы елді мекендерде жағдай өте күрделі. Бір күннен кейін Ресей іскері Украинаның оңтүстігі мен солтүстігіне қарай көш ілгері жылжыған.
Сума қалалық әкімшілігінің жетекшісі Дмитрий Живицкий Ресей әскерінің Сумадан Киевке қарай жылжып бара жатқанын хабарлады. Оның айтуынша, Сумы облысынан Киевке қарай жолда Ресей армиясының блокбекеттері пайда болған.
ПІКІРЛЕР