Украина президенті Владимир Зеленскийдің твиті:
"Біз өз еркіндігіміз бен жерімізді қорғап жатырмыз. Бірақ бізге қауқарлы халықаралық көмек керек. Мұны [Польша президенті] Анджей Дудамен талқыладым. Бухарест тоғыздығына қорғаныстағы көмек, санкция, агрессорға қысым жөнінде жүгіндім. Біріге отырып Ресейді келіссөз үстеліне отырғызу керек. Антиәскери коалицияға зәруміз".
Украина ақпарат құралдары Киевтің солтүстігіндегі Оболонь ауданында шайқас жүріп жатқанын хабарлады.
Тұрғын үйлер мен көшелерде Ресей әскери техникасы жүр.
Ақпаратты Украина қорғаныс министрлігі растады. Ведомство тұрғындарға әскери техниканың бағыты туралы хабар беріп, қарсылас жақтың "көзін жою үшін" жанғыш заты бар құтыларды дайындауға үндеді.
Чернобыль қаласында радиация деңгейі артқан
Украинаның ядролық реттеу жөніндегі мемлекеттік инспекциясы Чернобыль қаласында радиация деңгейі артқанын хабарлады.
Инспекцияның сөзінше, радиация деңгейінің не себепті өзгергенін мүмкін емес, себебі ол аймақта әскери қимылдар жүріп жатыр.
24 ақпан күні кешке Украина премьер-министрі Денис Шмигаль Ресей әскерінің Чернобыль атом электр станциясын басып алғанын хабарлаған.
Қарымта санкция. Кремль Ұлыбритания ұшақтарына Ресей әуе кеңістігінде ұшуға тыйым салды
Мәскеу бұл қадамға Ұлыбританияның Ресейге қарсы санкциясына жауап ретінде барды. 24 ақпан күні Ұлыбритания ресейлік "Аэрофлот" әуе компаниясына санкция салып, оның Ұлыбритания аумағындағы қызметіне тыйым салған.
Росавиацияның хабарлауынша, Ресей жариялаған шектеу Ұлыбританияда тіркелген немесе сол елге қатысы бар тұлғаға тиесілі немесе сол тұлға жалға алған әуе кемелерін қамтиды.
Енді Ұлыбритания әуе компанияларының Азия елдеріне ұшуы қиындайды. Осыған дейін ол компаниялардың ұшақтары Ресей әуе кеңістігінен өтетін.
ПІКІРЛЕР