Британиялық British Petroleum компаниясы да Ресейден мұнай мен газ сатып алу бойынша жаңа келісімдерге қол қоймайды. Бұл туралы ВВС сайты хабарлады.
Бүгін Shell компаниясы да Ресейдің мұнайы мен газынан бас тартқан. Бұған дейін Украина президенті Владимир Зеленский батыс елдерін Ресей мұнайынан бас тартуға шақырған еді, бірақ АҚШ пен Еуропа одағы мұнай импортына санкция салған жоқ.
Украина тарабы Мариупольден бейбіт тұрғындарды эвакуациялай алмағанын мәлімдеді. Олар Ресей тарабы гуманитарлық коридорға шабуыл жасады дейді. Ресей бұл ақпаратқа қатысты әзірге ешқандай мәлімдеме жасаған жоқ.
Ресей - санкциялар бойынша лидер
Америкалық Castellum.AI технологиялық компаниясының есебінше, Ресей санкциялар саны бойынша әлемде алдыңғы қатарға шықты. Бұл елге 5500-ден астам санкция салынған. Путин әскері Украинаға басып кіргелі, яғни, 24 ақпаннан бері Ресей 2778 санкцияға ілікті.
- Ресей - 5532 санкция
- Иран- 3616
- Сирия - 2608
- Солтүстік Корея- 2077
- Венесуэла - 651
- Мьянма - 510
- Куба - 208
Дереккөз: Castellum.AI
Британиялық Shell мұнай-газ компаниясы ресейлік жобалардан шығатынын, Ресейден мұнай шикізатын алмайтынын мәлімдеді. Бұған қоса, компания Ресейдегі ұшақтарға арналған жанармай шығаратын сервис станцияларын да жабады.
ПІКІРЛЕР