Газа секторындағы жалғыз электр станциясы жанармайдың жоқтығынан сөндірілді. Бұл туралы ХАМАС-қа қарайтын медиаға сілтеме жасап, Reuters агенттігі хабарлады.
Израиль ХАМАС қозғалысының шабуылынан кейін Газаны қоршап, электр, тамақ және су беруді тоқтатқан.
Нетаньяху мен оппозиция лидері Ганц "уақытша үкімет" құруға келісті
Израиль премьер-министрі Биньямин Нетаньяху мен оппозициялық "Ұлттық бірлік" партиясының лидері Бенни Ганц қақтығыс уақытында "уақытша үкімет" құруға келісті. Бұл туралы Reuters хабарлады.
Нетаньяху мен Ганц 11 қазанда Тель-Авивте ЦАХАЛ-дың (Израильдің әскері) штаб-пәтерінде кездесіп, келісімге келген.
"Уақытша үкіметке" Нетаньяху, Ганц және қорғаныс министрі кіреді.
"Төтенше жағдай кезінде құрылған уақытша үкімет соғысқа қатысы жоқ бірде-бір заң жобасына қатысты шешім қабылдамайды" деп хабарлады ВВС.
Израиль мен палестиналықтар неге қақтығыса береді?
Израиль билігі ХАМАС-ты жоятынын мәлімдеді
Израиль премьер-министрі Биньямин Нетаняху ХАМАС тобының әр мүшесі "өлік" екенін айтты деп жазды британдық ВВС медиасы.
Әлем "Ислам мемлекеті" террор тобының көзін қалай құртса, Израиль де ХАМАС-ты солай жояды деп мәлімдеді Нетаняху сәрсенбіде төтенше үкімет құрылғаннан кейін өткізген алғашқы баспасөз мәслихатында.
ХАМАС сенбіде тұтқиылдан шабуыл жасағаннан кейін Израильдің осы топқа не істемек ниеті барын алғаш рет нақты айтты деп хабарлады ВВС.
Бұған қоса Нетаняху АҚШ президенті Джо Байденмен бірнеше рет телефонмен сөйлескенін айтып, Вашингтон Израильді толық қолдайды деді.
Израильдің бұрынғы қорғаныс министрі, «Ұлттық бірігу» оппозициялық партиясының лидері Бени Ганц төтенше үкімет құрамына өзінің енуі елдің жұмылып, бірлескенін көрсетеді деп мәлімдеді. Егер Ливан тарапынан шабуылдар жасалатын болса, Израиль қажет деп тапқан қатаң шаралармен жауап беретін болады деп мәлімдеген.
ПІКІРЛЕР