«Шетел қазақтары әдебиеті мен өнері»

30 қазан күні Алматыдағы Мұхтар Әуезовтің мемориалдық музей-үйі «Шетел қазақтарының әдебиеті, фольклоры мен өнері» атты ғылыми шара өткізді. Онда әдебиет және өнер институтының 2012-2013 жылдары шетелдерге жасаған ғылыми экспедициялары жинақтаған Қытай, Ресей, Моңғолия, Өзбекстан, Тәжікстан қазақтарының мәдениеті мен әдебиетіне қатысты видео материалдар мен кітаптар көрсетілді. Қазақ диаспораларының әдебиеті, музыкасы, салттары жөнінде баяндамалар оқылды. Ұйымдастырушылар Қытайға барғанда қазақ биінің «Бұраң бел», «Көктүйме» сияқты бірнеше түрін видеоға түсіріп әкелгендерін де айтты.