"Еске алу шарасы болмайды". Ноғаев Жаңаөзен оқиғасын қайта-қайта еске түсірмеуді меңзеді
Your browser doesn’t support HTML5
Маңғыстау облысы әкімі Нұрлан Ноғаев 25 қарашада Нұр-Сұлтандағы брифингте Жаңаөзен оқиғасының он жылдығына ешқандай еске алу шарасы болмайтынын айтты. Ол «қазір Жаңаөзен дегенде тек қайғылы оқиға ғана еске келеді, ал онда атқарылып жатқан, үкіметтің жасап жатқан қаншама істері бар» дейді. 2011 жылы 16 желтоқсанда Маңғыстау облысындағы Жаңаөзен қаласында еңбек жағдайын жақсартуды талап еткен мұнайшылардың бірнеше айға жалғасқан бейбіт наразылығын полиция оқ атып таратқан. Ресми мәлімет бойынша, Жаңаөзен оқиғасы кезінде 17 адам көз жұмған. Биыл бұл оқиғаға он жыл толады.