Қырғызстан ұлттық қауіпсіздік жөніндегі мемлекеттік комитеті (ҰҚМК) әлеуметтік желідегі парақшасында Украинадағы соғыстан фото-видео материалдарын жиі жариялайтын қырғыз азаматын анықтағанын мәлімдеді.
Комитеттің мәліметінше, аталған аккаунт иесі К.у.А. есімді азамат 2021 жылы желтоқсанда Украинаға жұмыс іздеп кеткен.
ҰҚМК "Қырғызстан азаматының шетелдегі қақтығысқа қатысу" бабы бойынша іс қозғаған. Комитет жедел тергеу амалдары жүріп жатқанын хабарлады.
Ведомство шетелдегі соғысқа қатысқан қырғыз азаматтары қылмыстық жауапкершілікке тартылатынын ескертті.
Ресей Украина аумағына 24 ақпанда басып кірді. Қазір қақтығыс негізінен елдің шығыс бөлігінде жүріп жатыр. Киев Ресей әскері 25 мың солдатынан айырылды деп мәлімдеген. Мәскеу көп адам шығыны болғанын мойындағанмен нақты санын айтпады. Соғыс басталғалы бері Қырғызстанға Украинадағы соғыста қаза болған үш адамның мәйіті жеткізілген. Олар Қырғызстанда туғанмен оларға Ресей азаматтығы болған.
ОҚИ ОТЫРЫҢЫЗ
"Ақшаға бола ма, әлде азаматтық үшін бе?" Ресей азаматтығын алған қырғыз мигранттар Украинаға қарсы соғыста жүрРесейдің Украинаға басқыншылығы Қазақстандағы дәрі-дәрмек нарығына әсер еттіҚырғызстан: Ресейге салынған санкциялардан ел экономикасы 10% құлдырауы мүмкін "Келесі Украинаға айналуы мүмкін" Қазақстан және Мәскеудің Батыстан "кек алуға тырысуы"Ресейдің Украинаға шапқыншылығы Орталық Азияға да қатты тиді