"Айлығым 32 мың теңге". Ақтөбелік автобус жүргізушілері ереуілге шықты
Your browser doesn’t support HTML5
12 ақпанда Ақтөбеде жүзге жуық автобус жүргізушісі рейске шықпай қойды. Олар әдеттегідей таңғы бесте автопаркке келгенімен, жұмысқа шығудан бас тартты. Талап біреу – жалақыны өсіру. Арада бір сағат өткеннен кейін жүргізушілерге автопарк басшылығы, еңбек инспекциясы өкілі мен қала әкімі келді. Бес сағатқа жуық өткен келіссөзден соң қала әкімі жүргізушілер мәселесін шешуге көмектесуге уәде етіп, жүргізушілердің көпшілігі рейске шықты.