Қытай мешіттермен қатар шіркеулерді де қыса бастады
Your browser doesn’t support HTML5
Осы апта басында жүздеген католик дінінің өкілі Пекиндегі Рождество мерекесіне қатысты. Бұған дейін елдің кейбір аймақтарында Рождество алдындағы безендірулер мен сауда орындарына тыйым салынып, кейбір шіркеулерде тінту жүргені жайлы ақпарат шыққан. Қытайдың мемлекеттік ақпарат құралы Global Times-тің хабарлауынша, елдің солтүстігіндегі Хэбей провинциясында жергілікті билік Рождество алдында көшелерді безендіруге, діни мерекеге қатысты плакаттар мен баннерлер ілмеу туралы ескерткен. Қытайда шамамен 12 миллион католик бар. Католик шіркеулерінің кейбірі тікелей Ватиканға бағынса, кейбірі мемлекет бақылауындағы католиктердің патриоттық қауымдастығына қарайды.