Азия елдерінің саммитіне Трамп бармады
Your browser doesn’t support HTML5
Сингапурда өтіп жатқан Оңтүстік Шығыс Азия елдері қауымдастығына мүше мемлекеттер мен ұйымға әріптес елдерінің саммиті барысында мемлекет басшылары 14 қарашада кешкі асқа жиналды. 33-ші саммитке қатысушы елдер жиында өзара әріптестікті дамыту, Мьянмадағы Рохинджа дағдарысы және Оңтүстік Қытай теңізіндегі шиеленіс мәселелерін талқылады. Жиынға АҚШ президенті Дональд Трамп барған жоқ. Оның орнына АҚШ вице- президенті Майк Пенс барған. АҚШ пен Қытай арасындағы экономикалық жағдай ушығып тұрған шақта Пенс бейсенбі күні Үнді-Тынық аймағында "империя мен агрессияға орын жоқ" деп мәлімдеді. Ол аймақта алып мемлекеттермен қатар шағын елдердің өркендеуіне мүмкіндіктері болуы керек деді.