Шұғыл хабар:

Сағынай КӘРІМ

Авторы: Сағынай КӘРІМ

қараша 28, 2011
Араб монархтары диктаторлардан гөрі «реформашыл» болып шықты

Диктаторларды тақтан құлатқан «араб көктемі» Таяу Шығыстағы монархтарды да ойлантып тастады. Олар мемлекет байлығын отбасына ғана үлестірген кешегі тирандар сияқты емес, бұқара халықпен де тең бөлісуге бейіл. Сондықтан әзірше революция қаупінен жан сақтап тұр дейді Daily Telegraph басылымы.
қараша 24, 2011
Каспийдегі жаңа дағдарыс Ресейдің әскер кіргізуіне себеп болуы мүмкін

Ресейлік басылым мұнай мен газ экспорттау бәсекелестігі қарулы соғысқа әкеп соғуы мүмкін деген болжам айтады. «Транс-Каспий» газ құбырына қарсы болған Ресей үкіметі өз мүддесін қарумен болса да қорғап қалуға дайын екендігін көрсетті дейді басылым.
қараша 21, 2011
«Араб көктемі» Орталық Азияда болмайды» дейді АҚШ сарапшысы

АҚШ-тың Atlantic кеңесінің сарапшысы түркиялық басылымға берген сұқбатында Орталық Азия елдерінде «Араб көктемі» қайталана қоймайды деген пікір білдірген. Ал Рейтер агенттігі «Жайықмұнайдың» Лондон қор биржасына ұмтылғанын хабарлады.
қараша 18, 2011
АҚШ Ислам Каримовтың диктатурасын қашанғы көрмегенсиді?

«Каримовтың бетінен сүю» атты мақала авторы «Өзбекстанның диктаторы – кезегін күтіп отырған келесі Каддафи. Реализм деген бөлек нәрсе, бірақ АҚШ сайтанды өз атымен атаудан қорықпайды» деп жазады Foreign Policy журналында.
қараша 15, 2011
Ресейлік ұшқыштар Душанбеде соттала салысымен Мәскеуде 300 тәжік тұтқындалды

Мәскеудің миграциялық полициясы орыс ұшқыштарын Душанбеде соттап жібергені үшін оларға қарымта ретінде 300-ге жуық Тәжікстан азаматтарын қамауға алып, алдағы аптада оларды түгелдей елдеріне қайтаруға дайындап жатыр деп хабарлайды Moscow Times қарашаның 14-і.
қараша 08, 2011
«Араб көктемінің» жылы лебін күздің қара суығы жоқ қылды

Miami Herald («Майами Херальд») басылымы Египеттегі сәуір төңкерісі тұйыққа тіреліп тұр деп жазады. Билікті бақылауда ұстағысы келетін әскери элита құпия полицияны қолдану арқылы революцияны өз пайдасы үшін пайдаланып кетуге ұмтылып отыр.
қараша 07, 2011
Қырғызстандағы соңғы сайлау оңтүстік пен солтүстіктің жақындай қоймағанын көрсетті

Елді тағы бір абыржытып тастаған сайлаудан соңғы толқу мен дауыс беру ерекшеліктері Бішкектегі биліктің әлсіздігін көрсетеді деп жазады Eurasia View.
қараша 03, 2011
Шикізатқа тәуелді экономиканың банктері де әлсіз

Ұлыбританиялық басылым қаржы және құрылыс дағдарысынан кейінгі Қазақстан банктерінің неліктен әлі заемнан құтыла алмай, сенімді несие алушылар таба алмай отырғанына талдау жасайды.
қазан 26, 2011
"Орталық Азия президенттері үшін адам қауіпсіздігінен гөрі режим қауіпсіздігі қымбат"

Еуропа мен Орталық Азияның қарым-қатынасын зерттейтін EUCAM ұйымының сарапшысының ойынша, кәрі құрлық осы аймақтағы адам қауіпсіздігі мен құқықтарына қатысты белсендірек және өтімдірек сыртқы саясат ұстануы тиіс.
қазан 25, 2011
Көтерілісшілер Каддафидің жақтастарын ешқандай сотсыз қырып салған

53 адамның өлігі қаладағы қонақ үйлердің бірінен табылған. Қаза болғандардың қолдарын артқа қайыра байлап, ешқандай сотсыз айуандықпен атып тастаған. Халықаралық ұйымдар Ливияның жаңа билігінен осы сұмдық оқиғаны шұғыл тексеріп, жауапты адамдарды табуды талап етіп жатыр.
қазан 24, 2011
Бакиев дәуіріндегі кісі өлімі Қырғызстандағы жаңа сайлауға көлеңке түсіріп тұр

Бакиевтің билігі тұсында қаза болған саясаткер Медет Садырқұловтың жұмбақ өліміне қатысты тергеу Қырғызстанда президент сайлауы қарсаңындағы шиеленісті жағдайға отқа май құйғандай әсер етіп отыр.
қазан 19, 2011
Келесі президентті Тимур Құлыбаевтың өзі «тағайындауы» мүмкін

Ағылшын баспасөзі қазақ экономикасының өсуі туралы жылы пікір білдіре отырып, минералды қазба байлықтарын уысынан шығарғысы келмейтін президент отбасындағы аса ықпалды адам туралы қызық мәліметтер келтіреді.
қазан 17, 2011
Мұнайшылар ереуілі тұтас энергетикалық секторға әсер етті

«Батыс Қазақстанды дүбірлетіп жатқан мұнайшылар дауы елдің тұтас энергетикалық саласына көлеңке түсіріп тұр» деп жазады Орталық Азия бойынша тәуелсіз журналист Джоанна Лиллис қазанның 13-і Eurasianet.org электронды басылымында.
қазан 13, 2011
Еуразия Одағы: екі басты бүркіт сілкіне бастады

Владимир Путин гео-саяси тұрғыдан қарағанда жаңаша «үлкен ойын» бастауға кірісті деп санайды америкалық зерттеуші. Автордың пайымдауынша, Қазақстан президенті бұрынғы «үлкен ағасының» құшағына қайта құлағалы тұр.
қазан 10, 2011
Қазақстан үкіметі мен елшіліктеріне хакерлік шабуыл жасалған

EurasiaNet вебсайты бірқатар Орталық Азия елдерінің үкіметтері мен маңызды институттары аса қауіпті вирустық шабуылға ұшырағанын жазады. Электронды құжат ұрылары негізінен үкімет пен қаржы ұйымдарын және елшіліктерді нысанаға алған.
маусым 14, 2011
Бен Ладеннің өлімінен соң «бомбалы балалар» күрт көбейді

Ауғанстан мен Пәкістанда өзін-өзі бомбамен жарып өлтірген балалар күрт көбейіп кетті. Бұған себеп - АҚШ әскері Усама Бен Ладенді өлтірген соң тәліптердің кек алу үшін тың күшпен шабуылға шығуы болса керек.
маусым 13, 2011
Жалға берілетін жатырдан туған дау-дамай

Украинадағы суррогат дүмпуі қатерге толы болып шықты. Өте кең тараған осы тәсіл арқылы балалы болуға ұмтылған батыстық ерлі-зайыптылар үшін Украина үкіметі тарифтерді арзандатып, заңды оңайлатқан еді.
мамыр 23, 2011
Орталық және Батыс Қазақстанда этникааралық қатынас қиындап кетуі мүмкін

Ресей мен Батыс баспасөзі Қазақстандағы электр қуатын өндіру және тұтыну мәселелерін, «Бритиш газ» компаниясының қысым көріп жатқанын және «ұлтаралық татулық» тұжырымына кереғар факторлар бар екенін талқылап жатыр.

XS

SM

MD

LG