Қазақстан "Дождь" телеарнасының офис менеджері мен сегіз ресейлікті Ресейге қайтарған. Бұл туралы "Дождь" телеарнасының жүргізушісі Анна Монгайт телеграм каналында жазды. Ол "Дождь" қызметкерінің есімін атамады.
Ресей "Дождь" телеарнасын "шетел агенті" деп танып, сайтын бұғаттаған еді. Украинадағы соғыстан хабар таратып келген телеарна наурыздың басында жабылған.
Украина әскери барлау қызметі: Сирия президенті Башар Асад Ресейге Украинадағы соғыста көмектесу үшін 40 мың солдат жіберуге уәде берген.
Бір апта бұрын Ресей президенті Путин Таяу Шығыстан шыққан "еріктілерге" Украинадағы соғысқа қатысуға мүмкіндік жасауды тапсырған. Ал Ресей қорғаныс министрі Сергей Шойгу Донбасстағы қақтығысқа қатысу үшін Таяу Шығыстан 16 мың "ерікті" келгенін айтқан.
Сириялық тәуелсіз басылымдар Ресей Украинадағы соғысқа қатысатын әрбір сириялық солдатқа 200 доллар көлемінде ақы төлемек деп жазған еді.
17 наурыз. Қазірге дейінгі негізгі ақпараттар:
- Зеленский Ресеймен келіссөзде Украинаның ұстанымын атады: Соғысты аяқтау, Украинаның қауіпсіздігіне кепілдік беру, тәуелсіздігіне қол сұқпау және аумақтық тұтастығын қалпына келтіру.
- Украина президентінің кеңсесі Ресей әскерилері ұрлап әкеткен Мелитополь мэрі Иван Федоровты ресейлік 2002-2003 жылы туған тоғыз қатардағы солдатқа ауыстырғанын растады.
- Мариупольдегі бомбаланған драма театрда жасырынған адамдардың аман қалғаны хабарланды. 16 наурызда театрға шабуылдан біраз бөлігі қираған. Мыңға жуық адам театрдың жертөлесінде бас сауғалап тығылып отырғаны айтылған еді. Украина бұл шабуылға Ресейді айыптады, Ресей украиналық "Азов" батальонын кінәлайды.
- АҚШ Украинаға 800 әскери қару (ракетаға, танкіге қарсы құрылғылар мен әскери дрондар) бермек. "Бұл соғыс ұзаққа созылуы мүмкін" деді Джо Байден. Вашингтон Украинаға әскери көмек ретінде 800 млн доллар да бермек.
- АҚШ барлаушылары Украинада соғыс басталғалы Ресей 7 мыңнан аса әскериінен айырылды дейді.
"Қытай Украинаға ешқашан шабуылдамайды, керісінше көмектеседі"
"Қытай Украинаға ешқашан шабуылдамайды. Біз сіздерге даму үшін экономикалық тұрғыда көмектесеміз. Украин халқының бірлігі қаншалықты мықты екенін көрдік, демек бұл халықтың күші" деді Қытайдың Украинадағы елшісі Фань Сяньжун Львов әскери әкімшілігінің басшысы Максим Козицкиймен кездесуде.
Осыған дейін АҚШ басылымдары шенеуніктерге сілтеме жасап, Ресей Қытайдан қару-жарақ сұраған деп жазған.
ПІКІРЛЕР