Қазақстанда әкімдер соғысты айыптайтын митинг өткізуге келісім бермейді

Қазақстанның оншақты қаласында тіркелмеген "Алға Қазақстан" партиясының белсенділері Ресей Украинаға басып кіргеніне 500 күн толар қарсаңда, 2 шілде күні соғысты айыптап, бейбітшілікке үндейтін акция өткізбекші болған. Алайда жергілікті әкімдер белсенділер берген кемі 40 өтінішті қанағаттандырудан бас тартқан. Әкімдер көбіне "алаң бос емес" деген уәж айтады, бірақ онысы жалған болып шыққан кездер бар дейді белсенділер.