Қазақстанда коронавирус жұққаны тестпен расталғандар 210 мыңнан асты
Қазақстанда өткен тәулікте 795 адамның коронавирус тесті оң шықты, 74 адамнан коронавирус пневмониясы диагнозы анықталды. Өткен тәулікте 7 адам өлімі тіркелді: 3 адам - коронавирустан, төртеуі - коронавирус пневмониясынан қайтыс болды деп айтылады.
Өткен тәулікте Алматы қаласында ПТР тесті оң шыққан жүзден астам науқас тіркелген. Сәрсенбі күні Нұр-Сұлтанда - 85, Батыс Қазақстан облысында - 82, Павлодарда - 80, Шығыс Қазақстан облысында - 68, Қостанай облысында - 67, Қарағанды облысында - 62, Ақмола облысында - 61, Атырау облысында - 49, Алматы облысында - 40, Солтүстік Қазақстан облысында - 30, Ақтөбе облысында - 23, Шымкентте - 15, Жамбыл мен Қызылорда облысында әрқайсысында - 11, Түркістан облысында - 6, Маңғыстау облысында 5 науқас тіркелген.
2020 жылдың наурыз айынан бері елде 210 357 адамның коронавирус тесті оң шыққан, 2 721 адам қайтыс болған.
Денсаулық сақтау министрлігі ақпан айынан бері аймақтағы коронавирус пневмониясы жайлы дерек те жариялай бастаған. Оған сәйкес, 23 ақпанда Алматы облысында - 18, Жамбыл облысында - 16, Ақтөбе облысында - 7, Шымкент пен Павлодар облыстарында - 5-тен, Нұр-Сұлтан, Ақмола, Атырау, Қарағанды, Қостанай облыстарынжа - 3-тен, Алматы қаласы, Түркістан пен Маңғыстау облыстарында - екіден, Шығыс Қазақстан облысы мен Қызылорда облыстарында бір-бірден науқас тіркелген. Олардың ПТР тесті теріс шыққанмен коронавирус диагнозы клиникалық белгілеріне қарай қойылған.
2020 жылдың 1 тамызынан бері 49 121 адам коронавирус пневмониясымен ауырған, 619 адам қайтыс болған. Денсаулық сақтау министрлігі коронавирус пневмониясына шалдыққандар статистикасын жалпы Covid статистикасына енгізбеген.
Көптеген сарапшылар Қазақстанда коронавирусқа шалдыққандар ресми деректе көрсетілгеннен әлдеқайда көп деп есептейді.
- Авторы: Бағдат АСЫЛБЕК
Бас санитарлық дәрігер карантинді аяқтау шарттарын атады
Қазақстан бас санитарлық дәрігері Ерлан Қиясов 24 ақпандағы брифингте елдегі карантинді толық аяқтау шарттарын атады.
– Карантинді толық аяқтау үшін барлық облыс "жасыл" зонада болуы тиіс. Оған қоса, коронавирус жұқтырғандар 100 мың адамға шаққанда 25-тен төмен болуы керек. R мөлшері (бір адамның қанша адамға вирус жұқтыратынын көрсететін көрсеткіш – ред.) 1-ден төмен болғаны жөн. Сонымен қатар, екпе алғандар 50-60 пайыздан асып, халық арасындағы иммунитет қалыптасқаны қажет, - деді Қиясов Азаттық сұрағына жауап бергенде.
Ол "бұл карантинді жеңілдетуге мүмкіндік беретін көрсеткіштер екенін", "бірақ қазір вирустың тарап жатқанын жоққа шығармау керегін" айтты.
- Пандемияны толық жеңгенде ғана шектеулердің бәрін алып тастармыз. Вирустың тарауын толық тоқтатып, коронавирус жұқтырғандар болмауы тиіс. Әрине, коронавирус жұқтырғандар нөл болғанын қалаймыз. Бәлкім, екпенің оң әсерін көре бастағанда шектеулерді біртіндеп алатын механизм қабылдармыз, - деді ол.
24 ақпанда "Атамекен" кәсіпкерлерді қолдау палатасы 1 наурыздан бастап "сары" және "жасыл" зонадағы аймақтарда қандай шектеулер алынатынын айтты.
"Жасыл" зонадағы аймақтарда:
- Спорт жарыстарына көрермендер кіргізу рұқсат беріледі (лимит әлі талқыналып жатыр),
- 50 адам жиналатын еске алу шараларын (зал 30 пайыз толуы тиіс) ұйымдастыруға рұқсат етіледі,
- бильярд залдары, жабық ғимараттағы балаларға арналған көңіл көтеру залдары, цирктер ашылады.
Ал "сары" зонадағы облыстарда сауда орталықтары, базарлар жексенбіде де жұмыс істемек.
Қиясовтың сөзінше, студенттердің аудиторияға толық оралатын уақытын нақты айту қиын. "Барлық оқу орнын ашу үшін вирус жұқтырғандар саны айтарлықтай азаюы керек" деді ол.
24 ақпанда эпидемиологиялық жағдай бойынша Қазақстанда "қызыл зона" жоқ. "Сары" зонада Нұр-Сұлтан қаласы, БҚО, Ақмола, Қостанай облыстары бар. Қалған аймақтар "жасыл" зонада.
Министрліктің мәліметінше, 23 ақпанда елде 753 адамнан коронавирус табылып, 11 адам Covid дертінен көз жұмды.
Ресми статистика бойынша, елде 209562 адамнан коронавирус табылған. Биліктің есебінше, былтыр наурыздар бері 2718 адам індеттен қаза болған. Үкіметтің статистикасына коронавирус табылған жүздеген марқұм енбей қалды. Билік олар коронавирус жұқтырса да, басқа дерттен қайтыс болды деп есепке қоспай отыр. Министрлік "коронавирус пневмониясынан" қайтыс болғандарды да ресми статистикаға қоспайды.
Коронавирус пен пневмонияға шалдыққандар 809 адамға көбейді
Қазақстанда тағы 753 адамға коронавирус жұққаны арнайы тестпен расталды. 56 адамнан коронавирус пневмониясы анықталды. Бұл туралы денсаулық сақтау министрлігінің 24 ақпан күнгі хабарламасында жазылған. Өткен тәулікте 13 адам өлімі тіркелген: 11 адам – коронавирустан, 2 адам коронавирус пневмониясынан қайтыс болған.
2020 жылдың наурыз айынан бері 209 562 адамның коронавирус тесті оң шыққан. Содан бері 2 718 адам қайтыс болған. 193 679 адам айыққан. Жалпы аймақтағы ахуал төмендегідей:
- Нұр-Сұлтан қаласында - 24604 (+68 науқас жаңадан тіркелді)
- Алматы қаласында - 24563 (+93)
- Шығыс Қазақстан облысында - 21765 (+73)
- Атырау облысында - 17005(+38)
- Павлодар облысында - 17218(+90)
- Қарағанды облысында - 15192(+59)
- Ақмола облысында - 13305(+63)
- Батыс Қазақстан облысында – 12687(+65)
- Солтүстік Қазақстан облысында - 12177 (+39)
- Қостанай облысында - 12053+(68)
- Алматы облысында - 10551 (+39)
- Шымкент қаласында -6084 (+6)
- Жамбыл облысында - 5883(+18)
- Түркістан облысында - 4258(+6)
- Маңғыстау облысында - 4207(+5)
- Ақтөбе облысында -4200(+9)
- Қызылорда облысында -3810(+14).
2020 жылдың 1 тамызынан бері 49 047 адамнан коронавирус пневмониясы анықталған, содан бері 615 науқас қайтыс болған. 41 210 адам жазылған.
22 ақпан күнгі мәлімет бойынша, Жамбыл (11) мен Алматы облысында (10) бір күнде коронавирус пневмониясы көбірек тіркелген.
Қазір 20 387 (7 411 адамның ПТР тесті теріс шыққан) адам коронавирустан емделіп жатыр. 4 574 адам стационарда ем қабылдап жатыр. 236 адамның жағдайы ауыр, 55 пациенттің жағдайы өте ауыр, 47 науқас жасанды тыныс аппаратына қосылған.
Жергілікті сарапшылар Қазақстанда коронавирус статистикасы азайтылып көрсетіледі деп санайды. 2020 жылы Қазақстанда соңғы 20 жылдағы ең жоғары адам өлімі көрсеткіші тіркелген.
Тағы 700 адамнан коронавирус пен пневмония анықталды, 9 адам қайтыс болды
Қазақстанда коронавирус жұққаны тестпен расталғандар қатары 692 адамға көбейді. 8 адамға коронавирус пневмониясы диагнозы қойылды. Бұл туралы денсаулық сақтау министрлігінің 23 ақпан күнгі хабарламасында жазылған. Өткен тәулікте 9 адам өлімі тіркелген: 8 адам – коронавирустан, 1 адам коронавирус пневмониясынан қайтыс болған.
2020 жылдың наурыз айынан бері 208 809 адамның коронавирус тесті оң шыққан. Содан бері 2 707 адам қайтыс болған. 192 773 адам айыққан. Өткен тәулікте Алматы қаласында ғана жүзден астам науқас тіркелген. Жалпы аймақтағы ахуал төмендегідей:
- Нұр-Сұлтан қаласында - 24536 (+ 60 науқас өткен тәулікте тіркелген)
- Алматы қаласында - 24470 (+111)
- Шығыс Қазақстан облысында - 21692 (+82)
- Атырау облысында - 16967 (+28)
- Павлодар облысында - 17128 (+93)
- Қарағанды облысында - 15133 (+35)
- Ақмола облысында - 13242 (+65)
- Батыс Қазақстан облысында – 12622 (+45)
- Солтүстік Қазақстан облысында - 12138 (+40)
- Қостанай облысында - 11985 (+67)
- Алматы облысында - 10512 (+36)
- Шымкент қаласында - 6078 (+6)
- Жамбыл облысында - 5865(+10)
- Түркістан облысында - 4252(+5)
- Маңғыстау облысында - 4202(+0)
- Ақтөбе облысында -4191(+0)
- Қызылорда облысында -3796(+9).
2020 жылдың 1 тамызынан бері 48 991 адамнан коронавирус пневмониясы анықталған, содан бері 613 науқас қайтыс болған. 40 967 адам жазылған.
Қазір 20 780 (7 411 адамның ПТР тесті теріс шыққан) адам коронавирустан емделіп жатыр. 4 638 адам стационарда ем қабылдап жатыр. 245 адамның жағдайы ауыр, 55 пациенттің жағдайы өте ауыр, 48 науқас жасанды тыныс аппаратына қосылған.
Жергілікті сарапшылар Қазақстанда коронавирус статистикасы азайтылып көрсетіледі деп санайды. Былтыр маусым, шілде айларында ПТР тесті теріс нәтиже көрсеткен, бірақ ауру белгілері коронавирусқа ұқсайтын пневмонияға шалдыққандар күрт көбейген.
2020 жылы Қазақстанда соңғы 20 жылдағы ең жоғары адам өлімі көрсеткіші тіркелген.
ПІКІРЛЕР