Экономист Айман Тұрсынхан Алматы облысының Талғар ауданы Қызыл Қайрат ауылындағы №862 сайлау учаскесінде бір сайлаушыға екі бюллетень бергені туралы хабарлады. Бұл ақпаратты ҚазТАГ агенттігі таратты.
"Бір сайлаушыға екі бюллетень берді. Бюллетеньді жәшікке салуға қарсы болдым" деген "Сотталушылар құқығын қорғау коалициясы" атынан бақылаушы ретінде тіркелген Айман Тұрсынхан агенттікке.
Бұған дейін Азаттық тілшілері 9 маусымда таңертең осыған ұқсас оқиғаларға куә болған.
Қазақстан президентінің кезектен тыс сайлауы күні Алматы қаласында қоғамдық көлік жолаушыларға тегін қызмет көрсетіп жатыр деп хабарлайды Азаттық тілшілері.
Қазақстандық кей оппозициялық ұйымдар биылғы кезектен тыс президент сайлауына бойкот жариялаған. Бұл бастаманы азаматтық белсенділер де қолдады. Олар "шынайы бәсеке жоқ бұл сайлау билік сценарийі бойынша жүріп жатыр" деп мәлімдеген. Бұған дейін Қазақстанның бірінші президенті Нұрсұлтан Назарбаев биылғы сайлау бәсекелі түрде өтіп жатыр деген пікір білдірген. Билік сайлауалды науқан барысында елеулі заңбұзушылық тіркелген жоқ, тек қоғамдық пікірді анықтау мақсатында жүргізілген сауалнама жүргізуге байланысты "санаулы ғана құқықбұзушылық" болды деп мәлімдеген. Заң бойынша, тек Орталық сайлау комиссиясының келісімін алған құрылымдар ғана әлеуметтік сауалнама өткізе алады.
"Қазақстан кәсіподақтар федерациясы" ұйымынан кезектен тыс президент сайлауына түскен кандидат Амангелді Таспихов 9 маусымда Нұр-Сұлтан қаласындағы №111 сайлау учаскесінде сайлауға дауыс берді.
ПІКІРЛЕР