6 маусымда Қазақстанның бірнеше қаласында оппозиция жақтастарының митингі өтіп, жүздеген адам ұсталды. Шымкент де билікке қарсы ұран айтқандарды полиция әкетті. Азаматтарды полицияның күшпен ұстап жатқанын түсірмек болған Шымкенттегі тілшіміздің камерасын белгісіз біреулер жауып, кедергі келтірумен болды. Мемлекеттік қызмет істері агенттігі қолшатыр ұстағандардың бірі ішкі саясат басқармасына қарайтын мекеме маманы екенін хабарлады.