Қазақстанда 26 сәуірде кезектен тыс президент сайлауы өтті. Азаттық сайлау барысы туралы тікелей желіде хабар таратты.
Қазақстан орталық сайлау комиссиясы төрағасының орынбасары Владимир Фоос елде 9741 сайлау учаскесі бар екенін хабарлады.
Ақмола облысында - 808, Ақтөбе облысында - 521, Алматы облысында - 883, Атырау облысында - 232, Шығыс Қазақстан облысында - 1079, Жамбыл облысында - 461, Батыс Қазақстан облысында - 520, Қарағанды облысында - 784, Қызылорда облысында - 345, Қостанай облысында - 847, Маңғыстау облысында - 177, Павлодар облысында - 576, Солтүстік Қазақстан облысында - 709, Оңтүстік Қазақстан облысында - 1029, Астана қаласында - 254, Алматы қаласында 513 сайлау учаскесі жұмыс істеген.
Сайлау алдында Қарағанды облысындағы су басқан Чкалов ауылы тұрғындары әкімдікке тасқыннан келген шығынды өтеп беру туралы арыз түсірген.
Сербиядан келген бақылаушы Драгомир Карич "Сайлау керемет өтіп жатыр және ешқандай заң бұзушылық жоқ" дейді.
Алматы облысы Қарасай ауданы Әйтей ауылындағы 374-сайлау учаскесі өкілдері "сайлаушылардың көбі түске дейін келіп кеткенін" айтты.
