Астанадағы «Махаббат» және «Махаббат-2» тұрғын үй кешендеріндегі даулы пәтерлердің 20 шақты тұрғыны өз проблемаларына биліктің назарын аударту мақсатында қаладағы орталық жолдардың бірі – үкімет ғимараттары маңындағы Орынбор даңғылын жаппақ болды. Бірақ акция басталысымен полицияның арнайы жасағы наразыларды көшеден жолдың шетіне ығыстырып тастады. Бұның алдында тұрғындар өздерін баспанадан шығару туралы соттың шешіміне прокурор қарсылығын білдіруді сұрап жазған шағымдарын бас прокуратураға апарып тапсырған.