Харьковта Ресей әскерилерінің уланғаны хабарланды
Украина қорғаныс министрлігінің барлау басқармасының мәліметінше, Харьков облысы Изюм облысының тұрғындары ресейлік әскерилерге «у қосылған бәліш» беріп, Ресейдің үш әскери қаза болып, 28 әскери жансақтау бөліміне түскен.
Ресей қорғаныс министрлігі бұл ақпаратқа қатысты ешқандай мәлімдеме таратқан жоқ.
Соғыс уақытында мұндай ақпараттарды тәуелсіз дереккөздер арқылы тексеру қиын.
Зеленский Бучаға барды
Украина президенті Владимир Зеленский Киев облысындағы Буча қаласына барды. Бұл қаланың көшесінен жүздеген бейбі тұрғынның мәйіті табылған еді.
Бучада ВВС тілшісі Зеленскийден "Ресеймен бейбіт келіссөз жалғаса ма?" деп сұраған. Зеленский "Иә, себебі Украина бейбітшілікке қол жеткізуі тиіс. Біз 21-ғасырда Еуропада өмір сүріп жатырмыз. Біз дипломатиялық және әскери күшімізді саламыз" деп жауап берді.
Литва Ресей елшісінен елден кетуді сұрады
Литва үкіметі Ресеймен дипломатиялық өкілдің санын қысқарту шешімін қабылдады. Ел билігі Ресей елшісінен елден кетуді сұрап, Ресейдің Клайдептегі консулдығын жабу туралы шешім шығарған. Бұған қоса, Литва Ресейдегі елшісін кері қайтарып алмақ.
Литвадан соң Латвия да Ресеймен дипломатиялық қатынасты қысқартатын шешім қабылдады.
Путин Еуропа азаматтарына арналған жеңілдетілген виза рәсімін тоқтатты
Ресей президенті Владимир Путин Батыс Еуропа елдерінің азаматтарына арналған жеңілдетілген виза рәсімін тоқтату туралы жарлыққа қол қойды. Бұл шара ресми делегаттар мен журналистерді де қамтиды.
Кремль бұл қадамға "Еуроодақ пен бірқатар өзге елдің қастық әрекеттері" үшін барғанын айтады. Путиннің жарлығы Еуроодақ елдерімен қатар Исландия, Лихтенштейн, Норвегия және Швейцария елдерін қамтиды.
Ресей Украинаға басып кіргелі Еуропаның көптеген елі өз аспанында Ресей ұшақтарының ұшуына тыйым салды. Ал Шенген аймағына кіретін бірқатар ел Ресейге азаматтарына виза беруін тоқтатты.
ПІКІРЛЕР