Николаев қаласының әкімшілігі: Атқылау кезінде кемі 10 адам қаза тапты
Украинаның Николай қаласы тағы да атқылауға ұшырады. Бұл туралы қала билігі хабарлады. Әкімшіліктің айтуынша, барлығы 10 адамның қазасы расталған.
Николаев түбінде Украина солдаттарын түсіріп жүрген америкалық CNN телеарнасының түсірілім тобы да атқылауға ұшыраған. Ешкім зардап шекпеген, бірақ түсірілім тобының көліктері бүлінген.
Ресей Украинаға басып кіргелі елде 165 бала қаза тапты, 266 бала жараланды. Бұл туралы Украина бас прокуратурасы хабарлады. Прокуратура дерегінше, қаза тапқанда Киев облысында көбірек.
Киев облысы — 77,
Донецк облысы — 78,
Харьков облысы — 61,
Чернигов облысы — 49,
Николаев облысы — 35,
Луганск облысы — 31,
Запорожье облысы — 22,
Херсон облысы — 29,
Киев — 16,
Сумы облысы — 16,
Житомир облысы — 15.
Австралия Украинадағы соғысы үшін Ресейге сән-салтанат заттарын экспорттауға тыйым салды. Тыйым салынған заттар ішінде шарап, қымбат косметика және қымбат көліктердің бөлшектері бар.
"Бұл санкциялар Ресейдің қарапайым тұтынушыларына емес, президент Путин мен оның бай көмекшілеріне бағытталған" деді Австралия сыртқы істер министрі Мэрис Пейн.
Ресей білім министрлігі мектептерге Украинадағы соғыс тұсында ашық сабақ өткізуге арналған жаңа нұсқау берді. Бұл жолы мұғалімдер орта және жоғарғы сынып оқушыларына санкциялар кезінде импортты отандық өніммен алмастырудың пайдасы жөнінде айтуы тиіс. Бұл туралы елдің бірнеше аймағындағы мұғалімдерге сілтей отырып "Коммерсант" басылымы хабарлады.
"Ресейге қарсы санкциялар мен олардың отандық экономикаға әсері" деген тақырыптағы сабақтар қоғамтану курсы аясында өтуі керек. Мәскеу түбіндегі мектептердің бірінде жұмыс істейтін мұғалім басылымға сабақтың әдістемесін жолдаған.
Ресей білім министрлігі мектептерге осындай нұсқау бергенін растады, оқу материалын Білімді дамыту стратегиясы институты әзірлегенін айтты.
ПІКІРЛЕР